რუსეთის პირდაპირი ინვესტიციების ფონდის ხელმძღვანელი და ინვესტიციებისა და ეკონომიკური თანამშრომლობის საკითხებში პრეზიდენტის სპეციალური წარმომადგენელი კირილ დმიტრიევი აშშ-ის პრეზიდენტ დონალდ ტრამპის სპეციალურ წარმომადგენელს, სტივენ ვიტკოფს და აშშ-ის პრეზიდენტის სიძეს, ჯარედ კუშნერს შეხვდა. ამის შესახებ CNN-მა 23 სექტემბერს წყაროებზე დაყრდნობით განაცხადა.

„მხარეებმა რუსეთსა და აშშ-ს შორის თანამშრომლობა, ასევე უკრაინაში კონფლიქტის მშვიდობიანი გზით მოგვარება განიხილეს“, - ნათქვამია რეპორტაჟში.

არხის ცნობით, დმიტრიევი ნიუ-იორკში მშვიდობიანი გზით მოგვარებისა და რუსეთ-ამერიკის დიალოგის მიმდინარე ძალისხმევის ფარგლებში ჩავიდა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან