საფრანგეთის პრეზიდენტმა ემანუელ მაკრონმა განაცხადა, რომ მან აშშ-ის პრეზიდენტი დონალდ ტრამპი გააფრთხილა, რომ ამერიკული ნავთობის ექსპორტის შეჩერება შეცდომა იქნებოდა. საფრანგეთის ლიდერმა ეს განცხადება ტრამპთან გაეროში ამ კვირის დასაწყისში შეხვედრის შემდეგ გააკეთა.

„მე ვუთხარი, რომ ეს ცუდი გადაწყვეტილება იქნებოდა“, - განაცხადა მაკრონმა ხუთშაბათს TF1-თან და France 2-თან ინტერვიუში. მან თქვა, რომ საფრანგეთი „პირდაპირ არ არის დამოკიდებული“ ამერიკულ ნავთობზე, მაგრამ ასეთი ნაბიჯი „ფასების ზრდას გამოიწვევს“.

ტრამპის ადმინისტრაციამ განაცხადა, რომ განიხილავს აშშ-ის ნავთობის ექსპორტის შეჩერებას, ზომას, რომელმაც შეიძლება კიდევ უფრო გაზარდოს ისედაც მაღალი საწვავის ფასები ბენზინგასამართ სადგურებზე.

ადრე Politico-მ გაავრცელა ინფორმაცია, რომ ტრამპის ადმინისტრაცია ამზადებს აღმასრულებელ ბრძანებას დიზელის საწვავის ექსპორტზე 90-დღიანი აკრძალვის დაწესების შესახებ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან