სტავროპოლის მხარეში ავტობუსისა და „კამაზის“ სატვირთო მანქანის შეჯახების შედეგად ექვსი ადამიანი დაიღუპა, იტყობინება რეგიონული სახელმწიფო საგზაო ინსპექცია. ავტობუსი თბილისიდან მოსკოვში მიდიოდა.

კიდევ 28 მგზავრი, მათ შორის 11 ბავშვი და მოზარდი, საავადმყოფოში გადაიყვანეს.

ავარია კვირას ღამით, სოფელ ინოზემცევოსთან, „კავკაზის“ გზატკეცილის მესამე კილომეტრზე მოხდა. საქართველოდან მოსკოვისკენ მიმავალი ავტობუსის მძღოლმა სახიფათო სიჩქარე აირჩია და წინ მიმავალ „კამაზის“ სატვირთო მანქანასთან უსაფრთხო დისტანცია ვერ შეინარჩუნა. შეჯახების შემდეგ ავტობუსი თხრილში გადავარდა. სისხლის სამართლის საქმე აღიძრა მომსახურების გაწევის მუხლით, რამაც გაუფრთხილებლობით ორი ან მეტი ადამიანის სიცოცხლე შეიწირა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან