უკრაინის პრეზიდენტი - რუსეთმა სუმი დაბომბა, არიან დაღუპულები

2025-06-03 14:46:37, 718 ნახვა

კორონავირუსი/

3 ივნისს, რუსეთმა ზალპური ცეცხლის რეაქტიული სისტემებით ქალაქ სუმზე იერიში მიიტანა.

ბოლო მონაცემებით, დაბომბვის შედეგად დაიღუპა 3 და დაშავდა 20 ადამიანი. დაშავებულთა შორის არის 17 წლის მოზარდი.

რუსულ თავდასხმას გამოეხმაურა უკრაინის პრეზიდენტი ვოლოდიმირ ზელენსკი:

"რუსებმა სუმიზე მხეცური იერიში მიიტანეს. უბრალო ქალაქზე, ჩვეულებრივ ქუჩებზე – რეაქტიული არტილერიით. სრულიად გააზრებული დარტყმა მშვიდობიან მოსახლეობაზე".

მისი თქმით, ქალაქში გრძელდება სამაშველო სამუშაოები. პრეზიდენტმა დაღუპულთა ოჯახის წევრებსა და ახლობლებს მიუსამძიმრა.

"მივიღეთ ცნობა ერთი ჭურვის შესახებ, რომელიც არ აფეთქდა. ეს ჭურვი მე-9 სართულზე, საცხოვრებელი ბინის კედელში გაიჭედა. სულ ეს არის, რის ცოდნაც საჭიროა რუსეთის "სურვილზე" დაასრულოს ომი". – წერს ზელენსკი.