ტრამპმა გამოაქვეყნა ჰორმუზის სრუტის რუკა, რომელსაც „ტრამპის სრუტე“ უწოდა

2026-09-26 10:53:16, 535 ნახვა

მსოფლიო/

აშშ-ის პრეზიდენტმა დონალდ ტრამპმა სოციალურ მედია პლატფორმა TruthSocial-ზე ჰორმუზის სრუტის სურათი გამოაქვეყნა და წყლის გზას „ტრამპის სრუტე“ უწოდა.

პოსტი მას შემდეგ გამოჩნდა, რაც ირანმა ჰორმუზის სრუტის ერთი კვირის ვადაში გახსნა შესთავაზა, თუ შეერთებული შტატები რიგ პირობებს დააკმაყოფილებდა. თეირანის წინადადება ირანსა და შეერთებულ შტატებს შორის მიმდინარე მოლაპარაკებების ფონზე გაკეთდა.

პრეზიდენტმა მასუდ პეზეშკიანმა გაეროს გენერალური ასამბლეის შემდეგ ნიუ-იორკი დატოვა. ვიზიტის დროს ირანისა და აშშ-ის წარმომადგენლებმა კონფლიქტთან და ჰორმუზის სრუტესთან დაკავშირებულ ვითარებაზე ირიბი მოლაპარაკებები გამართეს.

თეირანმა ადრე სრუტეში თავისუფალი ნაოსნობის აღდგენა შეერთებული შტატების მიერ გარკვეული პირობების შესრულებას დაუკავშირა. The Wall Street Journal-ის ცნობით, აშშ-ის პრეზიდენტმა ეს შეთავაზება უარყო და შესაძლოა, ირანის წინააღმდეგ დარტყმები განაახლოს მის ქვეყანაში შუალედური არჩევნების შემდეგ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან