2026-09-24 18:20:50, 1159 ნახვა

---

პოლიტიკა

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

ოცნების პოლიტსაბჭოს წევრის, დიმიტრი სამხარაძის მამა, ვიტალი (იმერელი) სამხარაძე, რომელიც მევიოლინეა 4 სხვადასხვა ქალაქში ჩატარებული სოლო კონცერტებისთვის ბიუჯეტიდან ჯამში 164 750 ლარს მიიღებს.

დიტო სამხარაძის მამამ 3 ქალაქში სოლო კონცერტები უკვე ჩაატარა. ქუთაისში, ხარაგაულსა და წყალტუბოში გამართული კონცერტებიდან მან ჯამში 133 500 ლარი მიიღო. 

სამხარაძის მევიოლინე მამას 4 მაისს ქუთაისში ჩატარებულ სოლო კონცერტში ანაზღაურების სახით 58 500 ლარი გადაუხადეს.

29 მაისს, ვიტალი სამხარაძემ კონცერტი ხარაგაულში გამართა და ანაზღაურება აქ 20 000 ლარი მიიღო.

წყალტუბოში 22 სექტემბერს გამართულ კონცერტში კი მას 55 000 ლარი გადაუხადეს.  

შესყიდვების პორტალის მიხედვით, დიმიტრი სამხარაძის მამის კონცერტი ასევე არის დაგეგმილი ჭიათურაში, 26 სექტემბერს, სადაც მას 31 250 ლარს გადაუხდიან.

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი