ირლანდიიდან საქართველოში ორმოცდასამი მოქალაქე დეპორტირებული იქნა. მათ შორის იყო 33 მამაკაცი, შვიდი ქალი და ერთი ოჯახი სამშვილიანი. ირლანდიის იუსტიციის, შინაგან საქმეთა და მიგრაციის დეპარტამენტის ცნობით, დეპორტირებულთაგან ოთხს ადრე ჰქონდა ნასამართლეობა ქვეყანაში სხვადასხვა დანაშაულისთვის.

დუბლინიდან ჩარტერული რეისი 20 სექტემბერს გაფრინდა. რადიო „თავისუფლება“-ს ქართული სამსახურის ცნობით, თვითმფრინავის დაქირავება ირლანდიის ხელისუფლებას 225,575 ევრო დაუჯდა დღგ-ს გარეშე.

ირლანდიის იუსტიციის მინისტრმა, ჯიმ ო’კალაჰანმა, განაცხადა, რომ საქართველოს მოქალაქეების დიდი უმრავლესობა ქვეყანაში კანონიერად ცხოვრობს და „დადებით წვლილს შეაქვს ირლანდიურ საზოგადოებაში“.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან