მასკის საკუთრებაში არსებულმა ამერიკულმა კომპანია SpaceX-მა ირანში ინტერნეტის გათიშვის გამო Starlink-ის ინფრასტრუქტურაზე წვდომის საფასური გააუქმა. ამის შესახებ Bloomberg-ი წყაროზე დაყრდნობით იტყობინება.

წყაროს ცნობით, უფასო წვდომის შესახებ ინფორმაცია კომპანიას ჯერ არ დაუდასტურებია, რადგან ის საჯაროდ ხელმისაწვდომი არ არის.

სააგენტომ აღნიშნა, რომ Starlink-ის ტერმინალები ოფიციალურად აკრძალულია ირანში, თუმცა ზოგიერთი ცნობით, ქვეყანაში დაახლოებით 50 000 მოწყობილობაა კონტრაბანდული. ამასობაში, ირანის სამხედროები Starlink-ის სიგნალის ჩახშობასა და მომხმარებლების თვალყურის დევნებაზე მუშაობენ.

ავტორი: ექსპრესნიუსი,