ბოლნისის ერთ-ერთ სოფელში დედამ მცირეწლოვანი შვილი მოკლა. თავდაპირველად ინფორმაცია Aktual.ge-მ გაავრცელა.

გამოცემის ცნობით, 31 მაისს ქალმა 7 წლის შვილს ცივი იარაღით ჭრილობები მიაყენა.

Aktual.ge-ს მიერ მოპოვებული ინფორმაციის თანახმად,  42 წლის ქალმა 7 წლის ვაჟი დანით მოკლა.

 არსებული ცნობით, ინციდენტის შემდეგ ოჯახის წევრებმა მომხდარის დამალვა სცადეს, თუმცა ინფორმაცია მალევე ცნობილი გახდა.

შინაგან საქმეთა სამინისტროს ცნობით, ქალი დააკავეს, გამოძიება საქართველოს სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებაში ოჯახის წევრის განზრახ მკვლელობას გულისხმობს.

ავტორი: ექსპრესნიუსი,